ما هو الليزك ؟
ما هو الليزك ؟
الليزك عملية بيتم فيها تصحيح الابصار بالاكزيمر ليزر للاستغناء عن النظارة الطبية
هل الليزك آمن و تمام التمام ؟
الليزك آمن جدا و لكنه لا يصلح لكل الناس و هنا بيتمحور دور الدكتور بعلمه و خبرته و آمنته بعمل الليزك لمن يصلح لهم فقط ... لأنه لو من الأول مش هينفعك ليزك ثم اتعمل لك اكيد مش هتبقى بعدها مبسوط و نظرك مش تمام
مين اللي ينفع له ليزك؟
1- لازم سنك يكون فوق الـ 18 سنة لأجراء عملية الليزك
2- تكون مقاسات النظارة ثابتة لعام او اكثر
3- فحص سماكة القرنية و تضاريس القرنية يكون مناسب للعملية
طيب هل الليزك هو وسلية تصحيح الابصار الوحيدة ؟
لا في طرق كتير مبدأيا النظارة أو العدسات اللاصقة ، و في عمليات أخرى غير الليزك بتستخدم لتصحيح الابصار بيختار منها الدكتور هاني بكر لكل حالة اللي يناسبه اكتر و يحقق له افضل نتيجة
و دا شرح مبسط للأنواع المختلفة لتصحيح الابصار:
*تصحيح الابصار بالليزر السطحي ( PRK)
: فيه بيتم كشط الخلايا السطحية للقرنية ثم تسليط الاكزيمير ليزر على القرنية ليقوم بإعادة تشكليها والتصحيح ، الخلايا اللي تم كشطها بترجع تمنو تاني خلال 72 ساعة من العملية ، و خلال ال 72 ساعة دول بيكون في الم و شكشكة و تدميع يمكن تحملهم ، النوع دا من التصحيح هو اللي بيتعمل عادة للعسكريين و الرياضيين او أصحاب القرنيات الرقيقة لانه اكثر نوع بيحافظ على قوة القرنية
* الفيمتوسمايل (Femto SMILE)
في العملية دي لا يتم استخدام الاكزيمير ليزر و لكن فقط الفيمتوليزر اللي بيشكل عدسة مكافئة لعدسة النظارة و بعدين الجراح بيفصلها من داخل القرنية ، و بكدا بيتم تصحيح الابصار.
* نوع آخر بيستخدم في تصحيح الابصار لكن دون استخدام الليزر و هو زراعة العدسات المستديمة داخل العين
و العملية دي بتكون لاصحاب القرنيات الرقيقة او درجاتهم اكثر من 9 درجات ... و العدسات دي منها أنواع كتير مختلفة لكل نوع ميزة بينقاشها د.هاني معك قبل العملية
طيب الليزك بيتعمل ازي و ايه هو الليزك التفصيلي و الفيمتو ليزك ؟
* الليزك (LASIK)
: دي الطريقة الأشهر على الاطلاق و ذلك لان مش بيكون فيها الشكشكة ولا الم وتدميع الا لعدة ساعات فقط بعد العملية ... و في العملية دي بيتم رفع طبقة رقيقة جدا من سطح القرنية بمشرط متطور متناهي الدقة و بعد رفع الطبقة دي الاكزيمير ليزر بيشكل القرنية و في اخر العملية الطبقة الرقيقة دي بترجع مكانها تاني ، (المشرط هنا بيستخدم لحالة واحدة فقط برغم غلو ثمنه .. و اعادة استخدمه له اضراره على العين و بيرخص سعر العملية
* الليزك التفصيلي:
بيحتاجه بعد الناس اللي عندهم عيوب في تضاريس القرنية و محتاجه تتصلح عشان النظر يبقى افضل و في الليزك التفصيلي في تصحيح بيحصل مش بتقدر النظارة انها تصلحه
* الفيمتوليزك (Femto LASIK) : هو زي الليزك لكن الفرق ان الطبقة الرقيقة دي بيتم عملها بجهاز الفيمتوليزر و ممكن يتعمل تفصيلي
سمعنا ان الليزك عملية سهلة و بتعتمد كليا على الجهاز و الغالي فيها زي الرخيص ؟
كل خطوة في عمليات العيون عامة بتفرق في النتيجة النهائية للعملية من تجهيزات التعقيم و خبرة الطاقم المساعد في العملية و الآلات المستخدمة و الأجهزة المستخدمة ... كل الحاجات دي في منها الرخيص و الغالي و بالتبعية بتكون العاقبة على الشخص اللي بيعمل العملية و الدكاترة و المراكز اللي بتخاف على مرضاها و بتراعي ربنا فيهم دايما بيكونوا حرصين على استخدم الأفضل و الاغلى لعيون مرضاهم ، لانك عيونك هتفضل تشوف بها بعد ذلك طوال حياتك مش نظارة هتتغير
اما ان العملية بتعتمد على الجهاز كليا ، دا كلام مش صحيح لانك مش ممكن تخلي اغلى سيارة في العالم تمشي لوحدها أو طيارة تطير لوحدها و حتى الطيارات بدون طيار هناك من يوجهها عن بعد عن طريق الاقمار الصناعية ...
يعني الدكتور و طاقمه المساعد مهمين جدا في العملية.
و خدمتنا لصحتك و لعيونك زي أي خدمة تانية زي الفنادق مثلا في الخمس نجوم و في الأربع نجوم و في ليموزين غالي و في تاكسي رخيص و هكذا .
تقدر تحجز ميعاد كشف مع دكتور هاني بكر وتحدد الأنسب ليك في تصحيح الإبصار
دكتور هاني بكر كحيل: استشاري طب و جراحة العيون و تصحيح عيوب الإبصار وجراحات العيون الدقيقة
(زراعة العدسات، المياه البيضاء والزرقاء، و عمليات الشبكية)
هو واحد من أفضل استشاريين طب وجراحة العيون في مصر، وقام بإجراء العديد من عمليات تصحيح الإبصار وكانت النتائج بالكامل من أفضل ما يكون
للتعرف على أراء الحالات السابقة في عمليات تصحيح الإبصار اضغط هنا
لو عندك إستفسار او سؤال كلمنا على :
فرع المهندسين:
للتواصل:- 01154880054
واتس اب اضغط هنا
العنوان:- مركز الخبراء للعيون – تقاطع شارع سوريا مع شارع السودان
فرع طوخ:
العنوان :- طوخ بجوار البنك الأهلى ومركز أم المؤمنين للولادة بعد الإدارة التعليمية
رقم التليفون :- 01113466624